കുവൈത്ത് സിറ്റി : കുവൈത്ത് ഇസ്ലാമിക് സെന്റര്‍ സെന്‍ട്രല്‍ കമ്മിറ്റിയുടെ ദ്വൈമാസ പ്രസിദ്ധീകരണ പ്രചരണ കാമ്പയിന്‍ സുന്നി യുവജന സംഘം കോഴിക്കോട് ജില്ലാ വൈസ് പ്രസിഡണ്ട് അശ്റഫ് ബാഖവി, സയ്യിദ് ശാഹുല്‍ ഹമീദ് തങ്ങളില്‍ നിന്നും അപേക്ഷ വാങ്ങി ഉദ്ഘാടനം ചെയ്തു.
പ്രസിഡണ്ട് സിദ്ധീഖ് ഫൈസിയുടെ അദ്ധ്യക്ഷതയില്‍ നടന്ന ചടങ്ങിന്റെ ഉദ്ഘാടനം ശംസുദ്ധീന്‍ ഫൈസി നിര്‍വഹിച്ചു. കാമ്പയിന്‍ കോ ഓഡിനേറ്റര്‍ അലിക്കുട്ടി ഹാജി പദ്ധതി വിശദീകരിച്ചു, ഇസ്ലാമിക് സെന്റര്‍ ജനറല്‍ സെക്രട്ടറി മുഹമ്മദലി പുതുപ്പറമ്പ് സ്വാഗതവും മന്‍സൂര്‍ ഫൈസി നന്ദിയും പറഞ്ഞു.
2011 മെയ് ,ജൂണ്‍ മാസങ്ങളില്‍ ആചരിക്കുന്ന കാമ്പയിന്‍ കാലയളവില്‍ ‘സമസ്ത’ യുടെ പ്രസിദ്ധീകരണങ്ങളായ സുന്നി അഫ്കാര്‍ വാരിക, സത്യധാര ദ്വൈവാരിക, സന്തുഷ്ട കുടുംബം മാസിക, കുരുന്നുകള്‍ ബാലമാസിക എന്നിവ നാട്ടിലും കുവൈത്തിലും പ്രത്യേക ഇളവുകളോടെ വരിക്കാരാവാനുള്ള അവസരമുണ്ടാകും. കൂടുതല്‍ വിവരങ്ങള്‍ക്ക് 99162146, 609151424 എന്നീ നമ്പറുകളിലോ ഇസ്ലാമിക് സെന്റര്‍ ബ്രാഞ്ച് കമ്മിറ്റികളുമായോ ബന്ധപ്പെടാവുന്നതാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ