2016, നവംബർ 11, വെള്ളിയാഴ്‌ച

രൂപയുടെ മൂല്യം കുറഞ്ഞു


മുംബൈ: ഡോളറി​െനതിരെ രൂപയുടെ വിനിമയ  മൂല്യം 62 പൈസ കുറഞ്ഞ്​ 67.32 രൂപയായി.ഇന്ത്യയിലെ ഒാഹരി വിപണികളും ഇപ്പോൾ നഷ്​ടത്തിലാണ്​ വ്യാപാരം നടത്തികൊണ്ടിരിക്കുന്നത്.

​ബോംബൈ സൂചിക സെൻസെക്​സ്​ തുടക്കത്തിൽ തന്നെ 383  പോയിൻറി​െൻറ നഷ്​ടം രേഖപ്പെടുത്തി. ദേശീയ സൂചിക നിഫ്​റ്റിയും 69 പോയിൻറി​െൻറ നഷ്​ടത്തിലാണ്​ വ്യാപാരം നടത്തുന്നത്​.

അമേരിക്കൻ തെരഞ്ഞെടുപ്പും, നോട്ടുകൾ പിൻവലിക്കാനുള്ള തീരുമാനവുമാണ്​ വിപണിയെ സ്വാധീനിച്ചതെന്നാണ്​ സൂചന.

1 KWD =223.043 INR
1 BHD =179.557 INR
1 OMR =175.741 INR
1 USD = 67.6896INR
1 AED =18.4284 INR
1 QAR =18.5930 INR
1 SAR =18.0477 INR

http://www.xe.com/


.

2016, നവംബർ 8, ചൊവ്വാഴ്ച

സവ കിഴക്കന്‍ പ്രവിശ്യ കുടുംബവേദി രൂപീകരണവും അത്താഴവിരുന്നും വ്യാഴാഴ്ച വൈകിട്ട് ദമ്മാമില്‍


ദമ്മാം: സൗദിയിലെ ആലപ്പുഴ ജില്ലക്കാരുടെ കൂട്ടായ്മയായ സൗദി ആലപ്പുഴ വെല്‍ഫെയര്‍ അസോസിയേഷന്‍ കിഴക്കന്‍ പ്രവിശ്യയുടെ കുടുംബ വേദി  രൂപീകരണവും അത്താഴവിരുന്നും വിപുലമായ പരിപാടികളോടെ  നവംബര്‍ 10 വ്യാഴാഴ്ച വൈകിട്ട് 7.30 ന്  ദമ്മാമിലെ ദമ്മാം ഖോബാര്‍ എക്സ്പ്രസ്സ്‌ വെയ്ക്ക് സമീപമുള്ള  സ്കാന്‍ പാര്‍ക്കില്‍ (കുവൈറ്റി പാര്‍ക്ക്‌ ) വെച്ച് നടത്തുമെന്ന് സവ കിഴക്കന്‍ പ്രവിശ്യ ഭാരവാഹികള്‍ അറിയിച്ചു. കൂടുതല്‍ വിവരങ്ങള്‍ക്ക് 0549113921, 0509950580 എന്നീ നമ്പരുകളിലോ, ഇ മെയിൽ ഐഡി:  sawaepksa@gmail.com ബന്ധപ്പെടാം

2016, നവംബർ 3, വ്യാഴാഴ്‌ച

പ്രവാസി മലയാളികള്‍ ഇന്ത്യന്‍ സമൂഹത്തിന് അഭിമാനം. ഇന്ത്യന്‍ അംബാസിഡര്‍

ദോഹ: ഖത്തറിലെ പ്രവാസി മലയാളികള്‍ ഇന്ത്യന്‍ സമൂഹത്തിനാകമാനം അഭിമാനമാണെന്നും ഖത്തറിന്‍റെ വളര്‍ച്ചാവികാസത്തിലെ മലയാളികളുടെ പങ്ക് ശ്ളാഘനീയമാണെന്നും ഇന്ത്യന്‍ അംബാസിഡര്‍ പി. കുമരന്‍ അഭിപ്രായപ്പെട്ടു. മീഡിയ പ്ലളസും ഫ്രന്‍റ്സ് കള്‍ചറല്‍ സെന്‍ററും സംയുക്തമായി സംഘടിപ്പിച്ച അറുപതാമത് കേരളപ്പിറവി ദിനാഘോഷപരിപാടികള്‍ എഫ്.സി.സി. ഓഡിറ്റോറിയത്തില്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മലയാളികളുടെ കര്‍മോല്‍സുകതയും ക്രിയാത്മകതയും മാതൃകാപരമാണ്. ഖത്തറിലെ വിദേശകാര്യ മന്ത്രാലയത്തിലേയും ആഭ്യന്തര മന്ത്രാലയത്തിലേയുമൊക്കെ മുതിര്‍ന്ന ഉദ്യോഗസ്ഥരുമായും മന്ത്രിമാരുമായുമൊക്കെ നടത്തിയ കൂടിക്കാഴ്ചയില്‍ ഇന്ത്യന്‍ സമൂഹത്തെക്കുറിച്ച് വലിയ മതിപ്പാണ് ബന്ധപ്പെട്ടവര്‍ പ്രകടിപ്പിച്ചത്. ഇതില്‍ നല്ലൊരു ശതമാനവും ഖത്തറിലെ മലയാളി സമൂത്തിന് അവകാശപ്പെട്ടതാണെന്ന് അദ്ദേഹം പറഞ്ഞു.  
ഇന്ത്യ ഒരു പുന്തോപ്പാണ്. കേരളം ആ പൂന്തോപ്പിലെ മനോഹരമായ ഒരു ഭാഗവും. കേരളത്തിന്‍റെ  സൗന്ദര്യവും സൗരഭ്യവും രാഷ്ട്രത്തിന്‍റെ മൊത്തം മനോഹാരിതക്ക് മാറ്റുകൂട്ടുമെന്ന് അംബാസിഡര്‍ പറഞ്ഞു. 

ഖത്തറിലെ ഇന്ത്യന്‍ സമൂഹത്തിന്‍റെ ക്ഷേമം ഉറപ്പുവരുത്തുന്നതിന് സാധ്യമായ എല്ലാ നടപടികളും സ്വീകരിക്കുമെന്ന് അംബാസിഡര്‍ പറഞ്ഞു. കൂടുതല്‍ ആളുകളിലേക്ക് എത്തുന്നതിന് എല്ലാ ഇന്ത്യക്കാരും എംബസിയുടെ വെബ്സൈറ്റും സോഷ്യല്‍ മീഡിയ വിലാസവും പ്രയോജനപ്പെടുത്തണം. എംബസിയുടെ സേവനങ്ങളും വിജ്ഞാപനങ്ങളുമൊക്കെ സമയാസമയങ്ങളില്‍ ലഭിക്കുവാന്‍ ഇത് സഹായകമാകും. 

ഇന്ത്യയിലെ ടൂറിസം മേഖലയിലും നിക്ഷേപ രംഗത്തും ഉണര്‍വുണ്ടാക്കുവാനുള്ള നടപടികളും ആവശ്യമാണ്. വിശിഷ്യാ കേരളത്തിലെ ആയുര്‍വേദവും പ്രകൃതി സൗന്ദര്യവുമൊക്കെ ടൂറിസത്തിനും നിക്ഷേപത്തിനും പ്രയോജനപ്പെടുത്തണം. റിക്രൂട്ട്മെന്‍റ് രംഗത്തെ ചതിയും ചൂഷണങ്ങളും അവസാനിപ്പിക്കുവാന്‍ സമൂഹം ജാഗ്രത പാലിക്കണമെന്ന് അംബാസിഡര്‍ ഉദ്ബോധിപ്പിച്ചു. 
2017 ജനുവരിയില്‍ ബാംഗ്ളൂരില്‍ നടക്കുന്ന പ്രവാസി ഭാരതീയ ദിനത്തില്‍ കൂടുതല്‍ പങ്കാളിത്തം ഉറപ്പാക്കണമെന്ന് അംബാസിഡര്‍ ആവശ്യപ്പെട്ടു. 

ഫ്രന്‍റ്സ് കള്‍ചറല്‍ സെന്‍റര്‍ എക്സിക്യൂട്ടീവ് ഡയറക്ടര്‍ ഹബീബു റഹ്മാന്‍ കിഴിശ്ശേരി മുഖ്യ പ്രഭാഷണം നടത്തി. ഇന്ത്യന്‍ കള്‍ചറല്‍ സെന്‍റര്‍ പ്രസിഡണ്ട് കെ. ഗീരീഷ് കുമാര്‍, ഐ.ബി.പി.എന്‍. പ്രസിഡണ്ട് കെ. എം. വര്‍ഗീസ്, ഇന്‍കാസ് പ്രസിഡണ്ട് കെ.കെ ഉസ്മാന്‍, ഇന്ത്യന്‍ ഇസ്ലാമിക് അസോസിയേഷന്‍ വൈസ് പ്രസിഡണ്ട് കെ.ടി. അബ്ദുറഹിമാന്‍, ഡോ. എം. പി. ഷാഫി ഹാജി (കെ.എം.സി.സി), അനീസു റഹ്മാന്‍ (കള്‍ചറല്‍ ഫോറം) ശംസീര്‍ അരിക്കുളം (സംസ്കൃതി), ശുക്കൂര്‍ കിനാലൂര്‍, ഉസ്മാന്‍ മുഹമ്മദ്, സി.കെ. റാഹേല്‍ എന്നിവര്‍ സംസാരിച്ചു.

ഭവന്‍സ് പബ്ളിക് സ്ക്കൂളിലെ അധ്യാപകരായ ഷൈജു, വിജീഷ്, മുഹമ്മദ് സ്വാലിഹ് എന്നിവരവതരിപ്പിച്ച നാടന്‍ പാട്ടും വിദ്യാര്‍ഥിനി അക്ഷജയുടെ കവിതാ പാരായണവും ശാന്തിനികേതന്‍ ഇന്ത്യന്‍ സ്ക്കൂളിലെ വിദ്യാര്‍ഥിനികളായ സനൂജ സുലൈമാന്‍, സന സുലൈമാന്‍, നജ ഹമീദ് എന്നിവര്‍ അവതരിപ്പിച്ച സന്ദേശ പ്രധാനമാ സംഘഗാനവും പരിപാടിക്ക് മികവേകി. 

മീഡി പ്ലളസ് സി.ഇ.ഒ. അമാനുല്ല വടക്കാങ്ങര പരിപാടി നിയന്ത്രിച്ചു. പരിപാടി അവതരിപ്പിച്ച വിദ്യാര്‍ഥികള്‍ക്കും അധ്യാപകര്‍ക്കുമുള്ള സമ്മാനങ്ങള്‍ ഓര്‍ക്കിഡ് ഇന്‍റര്‍നാണല്‍ മാനേജിംഗ് ഡയറക്ടര്‍ അബ്ദുല്‍ ഗഫ്ഫാര്‍, ക്വാളിറ്റി ലാബ് മാനേജിംഗ് ഡയറക്ടര്‍ ജോസി മത്തായ് എന്നിവര്‍ വിതരണം ചെയ്തു


ഇസ്ലാമിക് സ്റ്റുഡന്റ്സ് കോൺഫറൻസ് (ഇസ്കോൺ ) 2016 നവമ്പർ 11,12 തീയ്യതികളിൽ

കുവൈത്ത്: കേരളാ  ഇസ്‌ലാഹീ സെന്ററിന്റെ  ആഭിമുഖ്യത്തിൽ അഞ്ചാമത് കുവൈത്ത് ഇസ്‌ലാമിക് വിദ്യാർത്ഥി സമ്മേളനം നവംബർ 11, 12 (വെള്ളി, ശനി) ദിവസങ്ങളിൽ  ഖുർതുബ  ജംഇയ്യത്ത് ഇഹ് യാഉതുറാസുൽ ഇസ്‌ലാമി ഹാളിൽ വെച്ച്     സംഘടിപ്പിക്കുന്നു.

വിദ്യാർത്ഥി  സമ്മേളനത്തിലേക്ക്  കുവൈത്തില്‍  നിന്നുമുള്ള  കുട്ടിയ്ക്ളുടെ രെജിസ്ട്രേഷന്‍ ആരംഭിച്ചതായി  ഭാരവാഹികള്‍ അറിയിച്ചു. അറിവ് സമാധാനത്തിനു  എന്ന  പ്രമേയത്തില്‍  സംഘടിപ്പിക്കുന്ന  സമ്മേളനത്തില്‍ ആധുനിക വിദിയാര്‍ത്തി  സമൂഹത്തിനു ദിശാബോധം  നല്‍കുന്ന വ്യതിയസ്ഥ  ക്ലാസ്സുകളും, പ്രഭാഷണങ്ങളും ഉണ്ടായിരിക്കുന്നതാണ്.

ഇസ്ലാഹീ  സെന്റെറിന്റെ  യുനിറ്റുകള്‍ വഴിയും  ഓണ്‍ ലൈന്‍ വഴിയും രെജിസ്ട്രേഷന്‍  ചെയ്യാവുന്നതാണ്. isconkwt@gmail.com , www.islahikuwait.org

പരിപാടിയുടെ വിജയത്തിനായി  പി.എൻ . അബ്ദുൽ ലത്തീഫ്  മദനി ചെയർമാനും  ടി.പി.അബ്ദുൽ അസീസ്  ജനറൽ കൺവീനറുമായി വിപുലമായ  സ്വാഗതസംഘം രൂപീകരിച്ചു  പ്രവർത്തനമാരംഭിച്ചു.മറ്റു ഭാരവാഹികൾ: സി.പി. അബ്ദുൽ അസീസ് (വൈസ് ചെയർമാൻ),   മുഹമ്മദ്  അസ്‌ലം കാപ്പാട് (കൺവീനർ), അമീൻ ഹവല്ലി, പി.എൻ. അബ്ദുറഹിമാൻ (ജോ. കൺവീനർമാർ).  വകുപ്പു ഭാരവാഹികൾ  ചെയർമാൻ, കൺവീനർ  എന്ന ക്രമത്തിൽ:ഡോ. യാസിർ, സുനാഷ് ഷുക്കൂർ (പ്രോഗ്രാം), സജ്ജാദ്, ഷാജു പൊന്നാനി (പബ്ലിസിറ്റി), മുദാർ കണ്ണ്, ഇംതിയാസ്‌ (രെജിസ്ട്രേഷൻ), അബ്ദുസ്സമദ് എ.എം, സക്കീർ കൊയിലാണ്ടി (വെന്യൂ) ഹാഫിദ് മുഹമ്മദ് അസ്‌ലം, റഫീഖ് കണ്ണൂക്കര (ഫുഡ് & റിഫ്രഷ്മെന്റ്), ഹാറൂൻ അബ്ദുൽ അസീസ്, നജീബ് പാടൂർ (വളണ്ടിയർ), ഷബീർ നന്തി, എൻ.കെ. അബ്ദുസ്സലാം (പബ്ലിക് റിലേഷൻ), സാദിഖ് അലി, ടി.ടി. അബൂബക്കർ കോയ (ഫൈനാൻസ്), ജലാൽ മൂസ കണ്ണൂർ, അസ്ഹർ അത്തേരി (റിസപ്‌ഷൻ), അബ്ദുല്ല കാഞ്ഞങ്ങാട്, ഹബീബ് കടലുണ്ടി (സ്റ്റാൾ), മുജീബ് കണ്ണൂർ, സഊദ് കോഴിക്കോട് (ലൈറ്റ് & സൗണ്ട്), ഡോ. അബ്ദു റഹ്മാൻ, സുബിൻ യൂസഫ് (മെഡിക്കൽ), ഉമർ ബിൻ അബ്ദുൽ അസീസ്, ജാഫർ കൊടുങ്ങല്ലൂർ (ട്രാൻസ്‌പോർട്), മുഹമ്മദ് അലി, കെ.സി.അബ്ദുൽ മജീദ് (ഡിസിപ്ലിൻ) എന്നിവരെ തിരഞ്ഞെടുത്തു.

ഗള്‍ഫ് ബിസിനസ് കാര്‍ഡ് ഡയറക്ടറിക്ക് അവാര്‍ഡ്


ദോഹ: ഖത്തര്‍ ആസ്ഥാനമായി പ്രവര്‍ത്തിക്കുന്ന മീഡിയ പ്ലസ് പ്രസിദ്ധീകരിച്ച ഗള്‍ഫ് ബിസിനസ് കാര്‍ഡ് ഡയറക്ടറിക്ക് ഏറ്റവും നൂതനമായ മാര്‍ക്കറ്റിംഗ് ഉല്‍പന്നത്തിനുള്ള അവാര്‍ഡ് നല്‍കി കോഴിക്കോട് സര്‍വകലാശാല ആദരിച്ചു. 

സര്‍വകലാശാലയുടെ സ്‌ക്കൂള്‍ ഓഫ് ബിസിനസ് സ്റ്റഡീസിന് കീഴിലുള്ള കൊമേഴ്‌സ് ആന്റ് മാനേജ്‌മെന്റ് സ്റ്റഡീസ് വകുപ്പാണ് ഗള്‍ഫ് ബിസിനസ് കാര്‍ഡ് ഡയറക്ടറിയെ അവാര്‍ഡിന് തെരഞ്ഞെടുത്തത്. മാനേജ്‌മെന്റ് വിദ്യാര്‍ഥികളുടെ മാര്‍ക്കറ്റിംഗ് ഗവേഷണത്തിന്റെ ഭാഗമായി തെരഞ്ഞെടുത്ത ഗള്‍ഫ് ബിസിനസ് കാര്‍ഡ് ഡയറക്ടറി ഉപഭോക്താക്കള്‍ക്കും സംരംഭകര്‍ക്കും ഒരുപോലെ ഉപകാരപ്രദവും ആകര്‍ഷകവുമാണെന്ന് അവാര്‍ഡ് കമ്മറ്റി വിലയിരുത്തി. ഇതാദ്യമായാണ് വിദേശത്ത് നിന്നും പ്രസിദ്ധീകരിക്കുന്ന ഒരു ഡയറക്ടറിയെ സര്‍വകലാശാല അവാര്‍ഡിന് തിരഞ്ഞെടുക്കുന്നത്. 

യൂണിവേഴ്‌സിറ്റി സെനറ്റ് ഹാളില്‍ നടന്ന വര്‍ണാഭമായ ചടങ്ങില്‍ സര്‍വകലാശാല വൈസ് ചാര്‍സിലര്‍ ഡോ. കെ. മുഹമ്മദ് ബഷീറില്‍ നിന്നും ഡയറക്ടറി ചീഫ് എഡിറ്ററും മീഡിയ പ്ലസ് സി. ഇ. ഒ. യുമായ അമാനുല്ല വടക്കാങ്ങര അവാര്‍ഡ് ഏറ്റുവാങ്ങി. പ്രോ വൈസ് ചാന്‍സിലര്‍ ഡോ. പി. മോഹന്‍, കൊമേര്‍സ് ആന്റ് മാനേജ്‌മെന്റ് സ്റ്റഡീസ് വകുപ്പ് മേധാവി ഡോ. വിജയ ചന്ദ്രന്‍ പിള്ള, സ്റ്റാഫ് കോര്‍ഡിനേറ്റര്‍ ഡോ. ബി. ജോണ്‍സണ്‍, ഫാക്കള്‍ട്ടി മെമ്പര്‍ ഡോ. ഇ.കെ. സതീശ് എന്നിവര്‍ ചടങ്ങില്‍ സംബന്ധിച്ചു. 

കഴിഞ്ഞ പത്തുവര്‍ഷമായി തുടര്‍ച്ചയായി കൂടുതല്‍ പുതുമകളോടെയാണ് മീഡിയ പ്‌ളസ് ഗള്‍ഫ് ബിസിനസ് കാര്‍ഡ് ഡയറക്ടറി പ്രസിദ്ധീകരിക്കുന്നത്. ഈ വര്‍ഷം മെയ് മാസം ഡയറക്ടറി ഖത്തറിലും ദുബായിയിലും മസ്‌ക്കത്തിലും സൗദി അറേബ്യയിലും കോഴിക്കോടും നടന്ന വ്യത്യസ്ത ചടങ്ങുകളിലാണ് പ്രകാശനം ചെയ്തത്. ഇന്തോ ഗള്‍ഫ്, ഇന്‍ട്രാ ഗള്‍ഫ് ബിസിനസിന് സഹായകമാകുന്ന ഡയറക്ടറിയുടെ ഓണ്‍ലൈന്‍ പതിപ്പും മൊബൈല്‍ ആപ്‌ളിക്കേഷനും പുറത്തിറക്കി കൂടുതല്‍ ഉപഭോക്താക്കളേയും സംരംഭകരേയും അടുപ്പിക്കുവാന്‍ സ്ഥാപനം നടത്തിയ ശ്രമങ്ങള്‍ക്കുള്ള അംഗീകാരമാണ് കോഴിക്കോട് സര്‍വകലാശാല നല്‍കിയ അവാര്‍ഡെന്നും കൂടുതല്‍ ആകര്‍ഷകമായി പുതിയ പതിപ്പ് പുറത്തിറക്കാനാണ് സ്ഥാപനം ഉദ്ദേശിക്കുന്നതെന്നും അവാര്‍ഡ് സ്വീകരിച്ച് സംസാരിക്കവേ അമാനുല്ല പറഞ്ഞു. 

ഗീഫ യുടെ ഹ്യുമാനിറ്റി സര്‍വീസ് അവാര്‍ഡ് ജിഫ്ബി യ്ക്ക് സമ്മാനിച്ചു


ദോഹ: ഇന്തോ ഗള്‍ഫ് ബന്ധം ഊഷ്മളമാക്കുന്നതിനും സാഹിത്യ സാംസ്‌കാരിക ജീവകാരുണ്യ പരിപാടികള്‍ പ്രോല്‍സാഹിപ്പിക്കുന്നതിനും രൂപീകൃതമായ ഗള്‍ഫ് ഇന്ത്യ ഫ്രണ്ട്ഷിപ് അസ്സോസിയേഷന്റെ പ്രഥമ ഹ്യുമാനിറ്റി സര്‍വീസ് അവാര്‍ഡ് മലപ്പുറം ജില്ലയിലെ പുളിക്കല്‍ കേന്ദ്രമായി പ്രവര്‍ത്തിക്കുന്ന ഗ്‌ളോബല്‍ ഇസ്‌ലാമിക് ഫൗണ്ടേഷന്‍ ഫോര്‍ ദ ബ്‌ളൈന്‍ഡ്‌സിന് ( ജിഫ്ബിക്ക് ) സമ്മാനിച്ചു. 

ജിഫ്ബി കാമ്പസില്‍ നടന്ന കാഴ്ചയില്ലാത്തവരുടെ അഖിലേന്ത്യാ സംഗമത്തില്‍വെച്ച് കാഷ് അവാര്‍ഡ് ഗിഫ ചെയര്‍മാന്‍ പ്രൊഫസര്‍ എം. അബ്ദുല്‍ അലിയും ഫലകം അവാര്‍ഡ് കമ്മറ്റി ചെയര്‍മാന്‍ മുഹമ്മദുണ്ണി ഒളകരയുമാണ് വിതരണം ചെയ്തത്. 

ജിഫ്ബിക്ക് വേണ്ടി ചെയര്‍മാന്‍ ഇ.ടി. മുഹമ്മദ് ബഷീര്‍ എം.പി അവാര്‍ഡ് 
ഏറ്റുവാങ്ങി. ഗിഫ ചീഫ് കോര്‍ഡിനേറ്റര്‍ അമാനുല്ല വടക്കാങ്ങര, ട്രഷറര്‍ ജൗഹറലി തങ്കയത്തില്‍, ഉപദേശക സമിതിഅംഗം അഡ്വ. മുഹമ്മദ് ഇഖ്ബാല്‍ എന്നിവര്‍ പരിപാടിക്ക് നേതൃത്വം നല്‍കി. 

കേരള നിയമസഭ സ്പീക്കര്‍ പി. ശ്രീരാമകൃഷ്ണന്‍, ടി.വി. ഇബ്രാഹീം എം.എല്‍.എ, മുനവ്വറലി ശിഹാബ് തങ്ങള്‍, പി. എ. ഇബ്രാഹീം ഹാജി, ഡോ. ഹുസൈന്‍ മടവൂര്‍, ശൈഖ് മുഹമ്മദ് കാരക്കുന്ന്, അബ്ദുസമദ് സമദാനി, സൗദി അറേബ്യയിലെ വ്യവസായിക പ്രമുഖനായ അബ്ദുല്ല മുനീഫ് നഹ്ദി തുടങ്ങി നിരവധി പ്രമുഖര്‍ ചടങ്ങില്‍ സംബന്ധിച്ചു. 

2014, ജനുവരി 8, ബുധനാഴ്‌ച

"ഖുര്‍ആനിലെ ജന്തു കഥകള്‍" പ്രകാശനം ചെയ്തു

അമാനുല്ല വടക്കാങ്ങര
ദോഹ. സമീക്ഷ പിക്ചേര്‍സിന്റെ  ബാനറില്‍ നന്മ വിഷ്യല്‍ മീഡിയക്ക് വേണ്ടി ബന്ന ചേന്ദമംഗല്ലൂര്‍ അണിയിച്ചൊരുക്കിയ  "ഖുര്‍ആനിലെ ജന്തു കഥകള്‍ " എന്ന ആനിമേഷന്‍ സിനിമയുടെ ഖത്തറിലെ പ്രകാശനം കാറ്റര്‍ കാറ്ററിംഗ് ഓഡിറ്റോറിയത്തില്‍  നടന്നു. 

2014, ജനുവരി 1, ബുധനാഴ്‌ച

"ഊമക്കുയില്‍ പാടുമ്പോള്‍" എന്ന മലയാള സിനിമയുടെ ദോഹയിലെ പ്രകാശനവും പ്രദര്‍ശനവും നടന്നു

അമാനുല്ല വടക്കാങ്ങര
ദോഹ: സെന്‍ച്വറി വിഷ്വല്‍ മീഡിയ പ്രൊഡക് ഷന്‍സിന്റെ ബാറില്‍ സിദ്ദീഖ് ചേന്ദമംഗല്ലൂര്‍ അണിയിച്ചൊരുക്കിയ "ഊമക്കുയില്‍ പാടുമ്പോള്‍" എന്ന മലയാള സിനിമയുടെ ദോഹയിലെ പ്രകാശനവും പ്രദര്‍ശനവും ഫ്രന്റ്സ് കള്‍ചറല്‍ സെന്റര്‍ ഓഡിറ്റോറിയത്തില്‍ നടന്നു. 

2013, ഡിസംബർ 31, ചൊവ്വാഴ്ച

റാക് എയര്‍വേയ്സ് സര്‍വീസുകള്‍ അനിശ്ചിതമായി നിര്‍ത്തിവെച്ചു

ദുബൈ:യു.എ.ഇയിലെ റാസല്‍ഖൈമ എമിറേറ്റ് ആസ്ഥാനമായി പ്രവര്‍ത്തിക്കുന്ന റാക് എയര്‍വേയ്സ് സര്‍വീസുകള്‍ അനിശ്ചിതമായി നിര്‍ത്തിവെച്ചു. ഇന്നു മുതല്‍ കമ്പനിയുടെ എല്ലാ വിമാന സര്‍വീസുകളും ഇനിയൊരു അറിയിപ്പുണ്ടാകുന്നതുവരെ നിര്‍ത്തിവെക്കുന്നതായി കമ്പനി അധികൃതര്‍ അറിയിച്ചു. അപ്രതീക്ഷിതമായി സര്‍വീസ് നിര്‍ത്തിയതോടെ വരും ദിവസങ്ങളില്‍ യാത്ര ചെയ്യാനായി നേരത്തെ ടിക്കറ്റ് ബുക്ക് ചെയ്ത മലയാളികള്‍ ഉള്‍പ്പെടെയുള്ള നിരവധി യാത്രക്കാര്‍ പ്രതിസന്ധിയിലായി.

2013, ഡിസംബർ 29, ഞായറാഴ്‌ച

ചാവക്കാട് പ്രവാസി ഫോറം കുടുബസംഗമം

ഒ എസ് എ റഷീദ്
അജ്മാന്‍ : യു.എ.ഇ.യിലെ ചാവക്കാട് സ്വദേശികളുടെ കൂട്ടായ്മയായ ‘ചാവക്കാട് പ്രവാസി ഫോറം” പുതുവത്സരത്തോടനുബന്ധിച്ച് കുടുബസംഗമം സംഘടിപ്പിക്കുന്നു. 2014 ജനുവരി 3 വെള്ളിയാഴ്ച 3 മണി മുതല്‍ അജ്മാന്‍ അല്‍ റയാന്‍ ഹോട്ടല്‍ ഓഡിറ്റോറിയത്തിലാണ് പരിപാടികള്‍ നടക്കുന്നത്.

2013, ഡിസംബർ 28, ശനിയാഴ്‌ച

എഴുപത് ലക്ഷം തീര്‍ത്ഥാടകരെ ഉള്‍കൊള്ളാവുന്ന രീതിയില്‍ അറഫയിലും തീ പിടിക്കാത്ത ടെന്റുകള്‍ വരുന്നു

ജിദ്ദ: അറഫയിലും തീ പിടിക്കാത്ത ടെന്റുകള്‍ വരുന്നു. എഴുപത് ലക്ഷം തീര്‍ത്ഥാടകരെ ഉള്‍കൊള്ളുന്ന ടെന്റുകള്‍ പണിയാന്‍ ഉടന്‍തന്നെ ടെണ്ടര്‍ ക്ഷണിക്കുമെന്നു അധികൃതര്‍ അറിയിച്ചു. പുണ്യസ്ഥലങ്ങളില്‍ 40 ലക്ഷം തീര്‍ത്ഥാടകര്‍ക്ക് ഹജ്ജ് നിര്‍വഹിക്കാവുന്ന തരത്തില്‍ വിപുലീകരണ പ്രവര്‍ത്തനങ്ങള്‍ നടത്താനാണ് നീക്കം.ഹജ്ജ് കര്‍മങ്ങളുമായി ബന്ധപ്പെട്ട പുണ്യ സ്ഥലങ്ങളില്‍ മിനായില്‍മാത്രമാണ് ഇപ്പോള്‍ തീ പിടിക്കാത്ത സ്ഥിരം തമ്പുകള്‍ ഉള്ളത്.

2013, ഡിസംബർ 27, വെള്ളിയാഴ്‌ച

2013, ഡിസംബർ 23, തിങ്കളാഴ്‌ച

ഹാജിക്കക്ക് ഇന്ത്യന്‍ സമൂഹത്തിന്റെ അനുശോചനം

അമാനുല്ല വടക്കാങ്ങര
ദോഹ: ജീവിതം സഹജീവികളുടെ സേവനത്തിന് ഉഴിഞ്ഞ് വെച്ച് ഖത്തറിലെ വിദേശി വിഭാഗങ്ങളുടെ വിശിഷ്യാ ഇന്ത്യന്‍ സമൂഹത്തിന്റെ നന്മക്കും പരിചരണത്തിനുമായി വിനിയോഗിച്ച മുസ്‌ലിം വീട്ടില്‍ അബ്ദുല്‍ ഖാദര്‍ ഹാജി എന്ന ഹാജിക്കക്ക് ഖത്തറിലെ ഇന്ത്യന്‍ സമൂഹത്തിന്റെ സ്‌നേഹാദരം. ശനിയാഴ്ച വൈകുന്നേരം ഹമദ് ജനറല്‍ ആശുപത്രിയില്‍ അന്ത്യ ശ്വാസം വലിച്ചതുമുതല്‍ സേവനത്തിന്റെ ആള്‍ രൂപമായ ഹാജിക്കയുടെ മയ്യത്ത് കാണുവാനും അന്ത്യോപചാരങ്ങള്‍ അര്‍പ്പിക്കുവാനും വിവിധ വിദേശി വിഭാഗങ്ങളുടെ ഒഴുക്കായിരുന്നു. നിരവധി സ്വദേശികളും ഹാജിക്കയുടെ അന്ത്യകര്‍മങ്ങളില്‍ പങ്കെടുത്തത് ആ മനുഷ്യ സ്‌നേഹിയോടുള്ളേ ആദര സൂചകമായാണ്.

2013, നവംബർ 30, ശനിയാഴ്‌ച

"യു എ ഇ നേഷണല്‍ ഡേ" പാവറട്ടിയുടെ നിറ സാന്നിദ്ധ്യം പതിവ് പോലെ ഇത്തവണയും


സിദ്ധീഖ് കൈതമുക്ക്
അബുദാബി: പോറ്റമ്മയോടുള്ള കൂറ് ഇദം പ്രദം അനുസ്യൂതം തുടരുന്ന ദേശക്കൂറിന്റെ പത്തര മാറ്റിന് ഒട്ടും ഭംഗം വരാതെ രണ്ടായിരത്തി പതിമൂന്നിലും അറബ് ഐക്യ നാടുകളുടെ 42 - ആം ജന്മ ദിനത്തിന് പിന്തുണയും, കൂറും, ആശംസകളും അറിയിച്ചു കൊണ്ട് നമ്മുടെ പാവറട്ടിക്കാരനായ ആര്‍ കെ മുഹമ്മദ്‌ കാസിമിന്റെ (കൈതമുക്ക്) വാഹനം പതിവ് പോലെ ഇപ്രാവശ്യവും ഇതാ ഒരുങ്ങി കഴിഞ്ഞു.

2013, നവംബർ 29, വെള്ളിയാഴ്‌ച

തൃശൂർ ജില്ല കെ എം സി സി യുടെ നേതൃ പഠന ശിബിരം ശ്രദ്ധേയമായി


ദോഹ: സംസക്കാരിക ജില്ലയുടെ ഔന്നിത്യം വിളിച്ചരിയിച്ചുകൊണ്ട് ജില്ലാ മണ്ഡലം ഭാരവാഹികൾകും പ്രധാന പ്രവർത്തകർക്കും വേണ്ടി സങ്കടിപ്പിച്ച നേതൃ പഠന ശിബിരം ജനപങ്കാളിത്തം കൊണ്ടും സങ്കടന മികവു കൊണ്ടും ശ്രദ്ധേയമായി. മഞ്ഞു പെയ്യുന്ന പുലർക്കാലത്ത് ജീവകാരുണ്യ പ്രവർത്തനം ജീവിത വ്രതമാക്കിയ സങ്കടന പ്രവർത്തകർ കെ എം സി സി ഓഡിറ്റോറിയത്തിൽ ഒത്തുകൂടുകയും സമകാലിക പരിസരത്തിൽ സങ്കടനക്ക് ഊടും പാവും നല്കുന്നതിനു വേണ്ടി നേതൃ പരിശീലനത്തിന്റെ വ്യത്യസ്ഥ തലങ്ങൾ ചര്‍ച്ച ചെയ്യുകയുണ്ടായി.

2013, നവംബർ 28, വ്യാഴാഴ്‌ച

സ്നേഹ സംഗമം - 2013


കെ.വി.അബ്ദുല്‍ അസീസ് ചാവക്കാട്
ദൊഹ: സാന്ത്വനം പെയിൻ ആൻറ് പാലിയേറ്റീവ് തുറയൂർ യൂണിറ്റ് അഭിമാന പുരസ്സരം കാഴ്ച വെക്കുന്ന "സ്നേഹ സംഗമം - 2013" നവംബർ 29 വെള്ളിയാഴ്ച ഉച്ചയ്ക്ക് ഒരു മണിക്ക് ഖത്തറിലെ സൽവ റോഡിലുള്ള ക്വാളിറ്റി ഹൈപ്പർ മാർക്കറ്റ് ഹാളിൽ അരങ്ങേറുന്നു.

വേൾഡ് എക്സ്പോ 2020: സാധാരണക്കാരുടെ ബജറ്റ് തകിടം മറിക്കുന്ന മാറ്റങ്ങളാണ് വരാൻ പോകുന്നത്

അഹ്മദ് മരുതയൂര്‍ 
ദുബൈ: വേൾഡ് എക്സ്പോ ദുബൈ നേടിയതോടെ വൻ വികസന കുതിപ്പിന് ബിസിനസ് ലോകം കാത്തിരിക്കുമ്പോൾ സാധാരണക്കാർ പരസ്പരം ആശങ്കകൾ പങ്ക് വെച്ച് ബാച്ചിലർ റൂമുകളിലും, കഫ്തീരിയകളിലും ചർച്ചകൾ പൊടി പൊടിക്കുന്നു.

അഡ്വകേറ്റ്. മുഹമ്മദ്‌ ഗസ്സാലിക്ക് സ്വീകരണം നൽകി


ദോഹ: ഇന്ത്യൻ യൂണിയൻ മുസ്ലിം ലീഗ് തൃശൂർ ജില്ലാ സെക്രട്ടറി അഡ്വകേറ്റ്. മുഹമ്മദ്‌ ഗസ്സാലിക്ക് തൃശൂർ ജില്ലാ കെ.എം.സി.സി ദോഹാ എയർപോർട്ടിൽ സ്വീകരണം നൽകിയപ്പോൾ തൃശൂർ ജില്ലാ കെ.എം.സി.സി പ്രസിഡന്റ്‌ എ.വി.എ. ബക്കർ, ജനറൽ സെക്രട്ടറി പി.എസ്.എം. ഹുസൈൻ, സംസ്ഥാന കെ.എം.സി.സി. ഏക്റ്റിങ്ങ് പ്രസിഡന്റ്‌ എൻ.കെ. അബ്ദുൽ വഹാബ്, എൻ.റ്റി.നാസ്സർ, എം.കെ. ഹംസ , ആർ.ഒ. സുൽഫികർ. മജീദ്‌ കൈപ്പമങ്ങലം എന്നിവര് ചേർന്ന് സ്വീകരിച്ചു.

2013, നവംബർ 27, ബുധനാഴ്‌ച

വേള്‍ഡ് എക്സ്പോ 2020-നു വേദിയാകാന്‍ ദുബായ് തെരഞ്ഞെടുക്കപ്പെട്ടു


ദുബായ്:  വേള്‍ഡ് എക്സ്പോ 2020-നു വേദിയാകാന്‍ ദുബായ് തെരഞ്ഞെടുക്കപ്പെട്ടു. ഫ്രഞ്ച് തലസ്ഥാനമായ. പാരിസില്‍ നടന്ന 154-മത് ബിഐഇ ജനറല്‍ അസംബ്ളിയില്‍ നടന്ന വോട്ടെടുപ്പിലാണ് ദുബായെ തെരഞ്ഞെടുത്തത്. മൊത്തം വോട്ടിന്റെ 52.73 ശതമാനവും ദുബായ്ക്ക് അനുകൂലമായതോടെയാണ് യുഎഇ ആകമാനം  കാത്തിരുന്ന അവസരം കൈവന്നത്.

2013, മേയ് 11, ശനിയാഴ്‌ച

ഖത്തര്‍ മലയാളി മാന്വല്‍ രണ്ടാം എഡിഷന്‍ പ്രകാശം ചെയ്തു


ദോഹ: ഖത്തറിലെ വിവിധ മേഖലകളില്‍ ശ്രദ്ധേയരായ മലയാളികളുടെ ചരിത്രം രേഖപ്പെടുത്തി  മീഡിയ പ്ളസ് പ്രസിദ്ധീകരിച്ച ഖത്തര്‍ മലയാളി മാന്വലിന്റെ പരിഷ്ക്കരിച്ച രണ്ടാം പതിപ്പ് പ്രകാശനചടങ്ങ് സ്കില്‍ സ് ഡവലപ്മെന്റ് സെന്റര്‍ ഓഡിറ്റോറിയത്തില്‍ സാമൂഹ്യ സാംസ്കാരിക രംഗത്തെ പ്രമുഖരുടെ സാന്നിധ്യം കൊട് ശ്രദ്ധേയമായി. മലയാളി സംഘടനാനേതാക്കള്‍ ചേര്‍ന്നാണ് മാന്വലിന്റെ പ്രകാശം നിര്‍ വഹിച്ചത്.

2013, ഏപ്രിൽ 28, ഞായറാഴ്‌ച

ഒമാനിന്റെ വിവിധ ഭാഗങ്ങളില്‍ ചെറിയ നാശ നഷ്ടങ്ങള്‍ വിതച്ച് മഴ തുടരുന്നു


മസ്കത്ത്: രാജ്യത്തിന്‍െറ വിവിധ ഭാഗങ്ങളില്‍ ചെറിയ നാശ നഷ്ടങ്ങള്‍ വിതച്ച് മഴ തുടരുന്നു. പലയിടങ്ങളിലും കനത്ത മഴയാണ് ലഭിച്ചത്. വാഹനങ്ങളില്‍ കുടുങ്ങിയ നിരവധി പേരെ പൊലീസും രക്ഷാപ്രവര്‍ത്തകരും ചേര്‍ന്ന് രക്ഷിച്ചു. മസ്കത്ത് ഗവര്‍ണറേറ്റില്‍ 62 മി.മീറ്റര്‍ മഴയാണ് ഒറ്റ ദിവസം രേഖപ്പെടുത്തപ്പെട്ടത്.

2013, ഏപ്രിൽ 24, ബുധനാഴ്‌ച

ഒമാനില്‍ രണ്ടു ദിവസമായി തുടരുന്ന മഴയിലും കാറ്റിലും മരിച്ചവരുടെ എണ്ണം നാലായി


മസ്കത്ത്: ഒമാനില്‍ രണ്ടു ദിവസമായി തുടരുന്ന മഴയിലും കാറ്റിലും മരിച്ചവരുടെ എണ്ണം നാലായി. തെക്കന്‍ ബാത്തിന ഗവര്‍ണറേറ്റിലെ സഹം വാദിയിലാണ് ഒരു കുട്ടിയുള്‍പ്പെടെ രണ്ടു പേര്‍ മരിച്ചത്. ഒന്നര വയസുകാരിയായ പെണ്‍കുട്ടിയും 60കാരനുമാണ് മണ്ണിടിഞ്ഞു വീണ് മരണത്തിന് കീഴടങ്ങിയത്.

2013, ഏപ്രിൽ 22, തിങ്കളാഴ്‌ച

പ്രതീക്ഷ ഒമാന്‍ - വാര്‍ഷികാഘോഷം കെ. മുരളീധരന്‍ ഉത്ഘാടനം ചെയ്യും

മസ്കറ്റ്: ഒമാനിലെ സാമൂഹിക സാംസ്കാരിക രംഗങ്ങളില്‍ എന്നും പുതുമയുള്ളതും, വിത്യസ്തങ്ങളുമായ പദ്ധതികളിലൂടെയും, പ്രവര്‍ത്തന മികവിനാലും സംഘടന മികവിനാലും തങ്ങളുടേതായ രീതിയില്‍ പ്രത്യേക മുഖ മുദ്ര പതിപ്പിച്ചിട്ടുള്ള പ്രതീക്ഷ ഒമാന്‍ വിപുലമായ പരിപാടികളോടെ തങ്ങളുടെ ഒന്നാം വാര്‍ഷീകം ആഘോഷിക്കുവാന്‍ തീരുമാനിച്ചു. മെയ്‌ ഒന്‍പതാം തീയ്യതി വ്യാഴാഴ്ച്ച വാദികബീര്‍ ക്രിസ്റ്റല്‍ സൂറ്റില്‍ വെച്ച് നടക്കുന്ന വാര്‍ ഷികഘോഷ പരിപാടി കേരള രാഷ്ട്രീയത്തിലെ അതികായകനും കേരള നിയമ സഭ സാമാജികനുമായ കെ. മുരളീധരന്‍ ഉദ്ഘാടനം നിര്‍വഹിക്കും .

2013, ഏപ്രിൽ 19, വെള്ളിയാഴ്‌ച

പ്രവാസ യുവത്വത്തെ പഠന വിധേയമാക്കണം


ദോഹ: ആര്‍ എസ് സി ഗള്‍ഫ് കൌണ്‍സിലിന്റെ ആഭിമുഖ്യത്തില്‍ സമരമാണ് ജീവിതമെന്ന പ്രമേയത്തെ ആധാരമാക്കി ജി സി സി രാഷ്ട്രങ്ങളില്‍ നടന്നു വരുന്ന പ്രവാസി യുവജനങ്ങളുടെ ഭാഗമായി ആര്‍ എസ് സി ഖത്തര്‍ നാഷണല്‍ കമ്മിറ്റി സംഘടിപ്പിച്ച സാംസ്കാരിക സംവാദം ദോഹയില്‍ ഹംസതുബ്നു അബ്ദുല്‍ മുത്വലിബ് സ്കൂളില്‍ സംഘടിപ്പിച്ചു.

2013, ഫെബ്രുവരി 24, ഞായറാഴ്‌ച

" നന്മ ഖത്തര്‍ " രൂപം കൊണ്ടു

ദൊഹ: കടപ്പുറം കറുകമാട് നിവാസികളുടെ കൂട്ടായ്മയായി " നന്മ ഖത്തര്‍ " രൂപം കൊണ്ടു. അബുദാബി ഇന്ത്യന്‍ ഇസ്ളമിക് സെന്റെര്‍ , സുന്നി സെന്റെര്‍ പ്രസിഡണ്ട് അബ്ദുറഹിമാന്‍ ഒളവട്ടൂര്‍ ഉദ്ഘാടനം നിര്‍ വഹിച്ചു. ഭാരവാഹികളായി മുനീര്‍ (പ്രസിഡണ്ട്), മുജീബ് പി ടി, റിയാസ് പി എം (വൈസ് പ്രസി:), റഹിം കെ എച് (ജന: സെക്ര:), ശംസീര്‍ വി, നജീബ് കെ പി (ജോ: സെക്ര:), നൌഫല്‍ (ഖജാന്‍ ജി) എന്നിവരെ തിരഞെടുത്തു. ചടങ്ങില്‍  ഉമ്മര്‍ ഹാജി വി, കാസിം പി, ഫക്കറുദ്ധീന്‍ എന്‍ സി എന്നിവര്‍ പങ്കെടുത്തു.

2012, ഡിസംബർ 6, വ്യാഴാഴ്‌ച

ദുബായ് മെട്രോ റെയില്‍ ട്രാക്കില്‍ ഇന്ത്യന്‍ തൊഴിലാളി ജീവനൊടുക്കി

ദുബായ്: ദുബായ് മെട്രോ റെയില്‍ ട്രാക്കില്‍ ഇന്ത്യന്‍ തൊഴിലാളി ജീവനൊടുക്കി. എമര്‍ജന്‍സി ഫയര്‍ എക്സിറ്റ് വഴിയാണ് ഇയാള്‍ ട്രാക്കില്‍ കടന്നത്. ട്രാക്കില്‍ കിടന്ന ഇയാളുടെ മേല്‍ അതിവേഗത്തില്‍ വന്ന മെട്രോ തീവണ്ടി പാഞ്ഞുകയറുകയായിരുന്നു. തിങ്കളാഴ്ചയായിരുന്നു സംഭവം. 

2012, നവംബർ 29, വ്യാഴാഴ്‌ച

ഗ്ളോബല്‍ ഇന്ത്യന്‍ അസ്സോസിയേഷന്‍ ഹെഡ് ഓഫീസ് ഡല്‍ഹിയില്‍ പ്രവര്‍ത്തനം ആരംഭിച്ചു




ന്യൂഡല്‍ഹി: വിദേശ ഇന്ത്യാക്കാരുടെ ക്ഷേമപ്രവര്‍ത്തനങ്ങള്‍ ലക്ഷ്യമാക്കി അന്താരാഷ്ട്രതലത്തില്‍ പ്രവത്തിച്ചു വരുന്ന ഗ്ളോബല്‍ ഇന്ത്യന്‍ അസ്സോസിയേഷന്‍ ഹെഡ് ഓഫീസ് ഡല്‍ഹിയില്‍ പി.ടി. തോമസ് എം. പി. ഉദ്ഘാടനം ചെയ്തു. ഡെല്‍ഹിയില്‍ ആശ്രമത്തിലാണ് ഓഫീസ് തുറന്ന് പ്രവര്‍ത്തിക്കുന്നത്.

2012, നവംബർ 15, വ്യാഴാഴ്‌ച

ഭാവനാ ദാരിദ്ര്യവും നേതൃശൂന്യതയും വികസനത്തെ ബാധിച്ചു -ചെറിയാന്‍ ഫിലിപ്പ്



അബുദാബി: ഭാവനാ ദാരിദ്യവും നേൃത്വ ശൂന്യതയും കേരളത്തിന്റെ ഭരണരംഗത്തെ വേട്ടയാടിക്കൊണ്ടിരിക്കുകയാണെന്ന് ചെറിയാന്‍ ഫിലിപ്പ് അഭിപ്രായപ്പെട്ടു. ദുബായ് ആര്‍ട്ട് ലവേഴ്‌സ് അസോസിയേഷന്‍ -ദല-ഒരുക്കിയ സ്വീകരണ യോഗത്തില്‍ 'കേരളത്തിന്റെ വികസനം ഇന്നലെ, ഇന്ന്, നാളെ' എന്ന വിഷയത്തില്‍ പ്രഭാഷണം നടത്തുകയായിരുന്നു അദ്ദേഹം.

2012, നവംബർ 14, ബുധനാഴ്‌ച

ദല യുവജനോത്സവം ഡിസംബര് 1, 2, ദിനങളില് ദുബായ് ഗല്ഫ് മോഡല് സ്കൂളീല് വെച്ച്


ദുബായ് : ദല സംഘടിപ്പിക്കുന്ന 22-മത് യുവജനോത്സവം ഡിസംബര് 1, 2 ദിനങളില് ദുബായ് ഗല്ഫ് മോഡല് സ്കൂളീല് വെച്ച് നടത്തുന്നതാണു. യു എ ഇ യിലെ എഴുപതോളം വിദ്യാലയങളില്നിന്നുള്ള മുവായിരത്തോളം വിദ്യാര്ത്ഥികള് അവരുടെ കലാ മേന്മ മാറ്റുരക്കുന്ന സാംസ്ക്കാരിക സംഗമത്തിന്ന് ദല വേദിയൊരുക്കുന്നത്.