കുവൈറ്റിലെ പുതിയ ഇന്ത്യന്‍ സ്ഥാനപതി: സതീഷ് സി. മേത്ത

കുവൈറ്റ്: കുവൈറ്റിലെ പുതിയ ഇന്ത്യന്‍ സ്ഥാനപതിയായി സതീഷ് സി. മേത്തയെ നിയമിച്ചു. ഇന്ത്യന്‍ അംബാസിഡറായിരുന്ന അജയ് മല്‍ഹോത്ര റഷ്യയിലേക്ക് സ്ഥലം മാറിപോയ ഒഴിവിലേക്കാണ് നിയമനം. നിലവില്‍ വിദേശകാര്യ മന്ത്രാലയത്തില്‍ ഭൂട്ടാന്‍, നേപ്പാള്‍ എന്നീ രാജ്യങ്ങളുടെ ചുമതലയുള്ള ജോയിന്റ് സെക്രട്ടറിയാണ് സതീഷ് മേത്ത. ഇദ്ദേഹം അടുത്തു തന്നെ കുവൈറ്റിലെത്തി ചുമതലയേല്‍ക്കുമെന്ന് വിദേശ കാര്യ മന്ത്രാലയം അറിയിച്ചു.

ഷാര്‍ജ പെണ്‍വാണിഭക്കേസിലെ മുഖ്യപ്രതി പോലീസില്‍ കീഴടങ്ങി

ഷാര്‍ജ പെണ്‍വാണിഭക്കേസിലെ മുഖ്യപ്രതി പത്തനംതിട്ട കൊപ്ള വീട്ടില്‍ ഷഹന മന്‍സിലില്‍ സൌദ പത്തനംതിട്ട പോലീസില്‍ കീഴടങ്ങി. കണ്ണങ്കര സ്വദേശിനിയായ ഇരുപത്തെട്ടുകാരിയെ ജോലി വാഗ്ദാനംചെയ്ത് ഷാര്‍ജയിലെത്തിച്ച് പെണ്‍വാണിഭസംഘത്തിനു കൈമാറിയ കേസിലെ മുഖ്യപ്രതിയായ സൌദ ഇന്നു രാവിലെയാണ് പത്തനംതിട്ട സിഐ മുമ്പാകെ കീഴടങ്ങിയത്.

പാസ്പോര്‍ട്ട് പിടിച്ചു വെച്ചാല്‍ സ്പോണ്‍സര്‍ കുടുങ്ങും

മുഹമ്മദ് സഗീര്‍ പണ്ടാരത്തില്‍

ദോഹ: തൊഴിലാളികളുടെ പാസ്പോര്‍ട്ട് അവര്‍ കൈവശം വയ്ക്കുന്നതിനു പകരം സ്പോണ്‍സര്‍ പിടിച്ചുവയ്ക്കുന്നത് 2009ലെ നിയമം അനുസരിച്ചു തെറ്റാണെന്നും ഇത്തരക്കാരെ പ്രോസിക്യൂട്ട് ചെയ്യുമെന്നും ആഭ്യന്തര വകുപ്പിനു കീഴിലെ സെര്‍ച്ച് ആന്‍ഡ് ഫോളോഅപ് വകുപ്പു ഡയറക്ടര്‍ കേണല്‍ നാസര്‍ അല്‍ സയ്യിദ് പറഞ്ഞു.

സൌദിയില്‍ തൊഴില്‍ മേഖലയില്‍ ആറു വര്‍ഷ കാലാവധി: മഞ്ഞ വിഭാഗത്തില്‍പെട്ട സ്ഥാപനങ്ങള്‍ക്കുമാത്രം ബാധകം

അലിയമുണ്ണി സികെ, അഞ്ചങ്ങാടി

റിയാദ്: കഴിഞ്ഞ ദിവസം സൌദി തൊഴില്‍ മന്ത്രി പ്രഖ്യാപിച്ച ആറുവര്‍ഷ പരിധി സൌദിവല്‍ക്കരണം നടപ്പാക്കുന്ന മഞ്ഞസോണില്‍പെട്ട സ്വകാര്യ സ്ഥാപനങ്ങളെ മാത്രമെ ബാധിക്കുകയുള്ളുവെന്ന് തൊഴില്‍ മന്ത്രാലം വിശദീകരിക്കുന്നു. സൌദിവല്‍ക്കരണത്തിന്റെ തോതനുസരിച്ച് സ്വകാര്യസ്ഥാപനങ്ങളെ എക്സലന്റ്, പച്ച, മഞ്ഞ, ചുവപ്പ് എന്നിങ്ങനെ വിവിധ സോണുകളായി തിരിക്കുന്ന പദ്ധതിയാണ് ‘നിതാഖാത്ത്’.

ഗള്‍ഫ് ബിസിനസ് കാര്‍ഡ് ഡയറക്ടറി പ്രകാശനം ചെയ്തു

മുഹമ്മദ് സഗീര്‍ പണ്ടാരത്തില്‍

ദോഹ: ഖത്തറിലെ അഡ്വര്‍ട്ടൈസിംഗ് ആന്റ് ഈവന്റ് മാനേജ്മെന്റ് കമ്പനിയായ മീഡിയാ പ്ളസ് പ്രസിദ്ധീകരിച്ച ഗള്‍ഫ് ബിസിനസ് കാര്‍ഡ് ഡയറക്ടറിയുടെ അഞ്ചാം പതിപ്പ് റമദ ഹോട്ടലില്‍ നടന്ന ചടങ്ങില്‍ സഫാരി ഗ്രൂപ്പ് ജനറല്‍ മാനേജര്‍ സൈനുല്‍ ആബിദീന് ആദ്യ പ്രതി നല്‍കി ആര്‍ഗണ്‍ ഗ്ളോബല്‍ സി. ഇ.ഒ.അബ്ദുല്‍ ഗഫൂര്‍ പ്രകാശനം ചെയ്തു.

നാദിര്‍ അബ്ദുല്‍ സലാമിന് ഗായക പുരസ്കാരം

മുഹമ്മദ് സഗീര്‍ പണ്ടാരത്തില്‍

ദോഹ: ഖത്തറിലെ ബാലഗായകന്‍ നാദിര്‍ അബ്ദുല്‍ സലാമിന് ഗായക പ്രതിഭ പുരസ്കാരം ലഭിച്ചു. യുഎന്‍ പരിസ്ഥിതി വകുപ്പിന്റെ ലോക പരിസ്ഥിതി ദിനാചരണത്തിന്റെ ഭാഗമായി  ഖത്തറില്‍ സംഘടിപ്പിച്ച മത്സരത്തിലാണ് നാദിര്‍ അബ്ദുസ്സലാമിനെ ഗായക പ്രതിഭയായി തിരഞ്ഞെടുത്തത്.

യൂസഫലിയും സി.കെ. മേനോനും വ്യോമയാന സുരക്ഷാ കൗണ്‍സിലില്‍

മുഹമ്മദ് സഗീര്‍ പണ്ടാരത്തില്‍

ദോഹ: ഗള്‍ഫിലെ പ്രമുഖ വ്യവസായികളായ എം.എ. യൂസഫ് അലിയെയും അഡ്വ. സി.കെ. മേനോനെയും കേന്ദ്ര ഗണ്‍മെന്റിന്റെ കീഴിലുള്ള വ്യോമയാന സുരക്ഷാ ഉപദേശക കൗണ്‍സിലിലേക്ക് നോമിനേറ്റ് ചെയ്തു. ഇതു സംബന്ധിച്ച വ്യോമയാന മന്ത്രാലയത്തിന്റെ ഉത്തരവു ലഭിച്ചതായി മേനോന്‍ വാര്‍ത്താക്കുറിപ്പില്‍ അറിയിച്ചു.

അല്‍ അനീസ് ഷോറൂം ഉദ്ഘാടനം ചെയ്തു

മുഹമ്മദ് സഗീര്‍ പണ്ടാരത്തില്‍

ദോഹ: അല്‍ അനീസ് ട്രേഡിംഗ് കമ്പനിയുടെ പുതിയ ശാഖ ദോഹയിലെ മന്‍സൂറക്കടുത്ത ഫരീജ് ബിന്‍ ദിര്‍ഹമില്‍ ക്യു ടെല്‍ കസ്റ്റമര്‍ സര്‍വ്വീസ് ഡയറക്ടര്‍ മുഹമ്മദ് സ്വാലിഹ് അല്‍ മരി നിര്‍വ്വഹിച്ചു.

ജോലി ചെയ്യുന്ന നാടിന്റെ ഭാഷയും സംസ്കാരവും പ്രവാസികള്‍ പഠിക്കണം : ദീപാ ഗോപാലന്‍ വാദ്വ

മുഹമ്മദ് സഗീര്‍ പണ്ടാരത്തില്‍

ദോഹ: ജോലി ചെയ്യുന്ന നാടിന്റെ ഭാഷയും സംസ്കാരവും പഠിക്കുവാനും മനസിലാക്കുവാനും പ്രവാസികള്‍ പരിശ്രമിക്കണമെന്ന് ഖത്തറിലെ ഇന്ത്യന്‍ അംബാസിഡര്‍ ദീപാ ഗോപാലന്‍ വാദ്വ  അഭിപ്രായപ്പെട്ടു.  ഖത്തറിലെ മാധ്യമ പ്രവര്‍ത്തകനായ അമാനുല്ല വടക്കാങ്ങരയുടെ ഏറ്റവും പുതിയ ഗ്രന്ഥമായ സ്പോക്കണ്‍ അറബിക് ഫോര്‍ എവരിഡേ എന്ന കൃതി    പ്രകാശനം ചെയ്ത് സംസാരിക്കുകയായിരുന്നു അവര്‍.

കൂടിവരുന്ന ആത്മഹത്യാനിരക്കിനെക്കുറിച്ച്‌ പഠനം

മുഹമ്മദ് സഗീർ പണ്ടാരത്തിൽ

ദോഹ: ഖത്തറില്‍ കൂടിവരുന്ന ആത്മഹത്യാനിരക്കിനെക്കുറിച്ച്‌ ഹമദ് മെഡിക്കല്‍ കോര്‍പറേഷന്‍ മന:ശാസ്ത്രവിഭാഗം പഠനം നടത്തുന്നു. സ്വദേശികള്‍ക്കിടയിലും വിദേശികള്‍ക്കിടയിലും ആത്മഹത്യകള്‍ നടക്കുന്നുണ്ടെങ്കിലും താഴ്ന്ന വരുമാനക്കാരായ പ്രവാസികളിലാണ് ആത്മഹത്യ കൂടുതലായി കാണുന്നത്.

ചൂടു കനത്തതോടെ ഇന്ത്യന്‍ സ്കൂളുകളിലെ സമയത്തില്‍ മാറ്റമുണ്ടാകും

മുഹമ്മദ് സഗീർ പണ്ടാരത്തിൽ

ദോഹ: ചൂടു കനത്തതോടെ ഇന്ത്യന്‍ സ്കൂളുകളിലെ സമയത്തില്‍ മാറ്റമുണ്ടാകും. ഡിപിഎസ് മോഡേണ്‍ ഇന്ത്യന്‍ സ്കൂളും ബിര്‍ള പബ്ലിക് സ്കൂളും പഠനസമയം പുന:ക്രമീകരിച്ചതായി വിദ്യാര്‍ഥികള്‍ക്ക് അറിയിപ്പു നല്‍കി. പഠനസമയം അരമണിക്കൂര്‍ കുറച്ചു ഇന്നു മുതല്‍ 6.45 മുതല്‍ 12.45 വരെയാണ്‌ ബിര്‍ള പബ്ലിക് സ്കൂളിലെ പ്രവൃത്തിസമയം. കെജി ക്ളാസ്സുകളില്‍ 10.30 വരെയായിരിക്കും.

പ്രചരണ കാമ്പയിന്‍ ഉദ്ഘാടനം ചെയ്തു

കുവൈത്ത് സിറ്റി : കുവൈത്ത് ഇസ്ലാമിക് സെന്റര്‍ സെന്‍ട്രല്‍ കമ്മിറ്റിയുടെ ദ്വൈമാസ പ്രസിദ്ധീകരണ പ്രചരണ കാമ്പയിന്‍ സുന്നി യുവജന സംഘം കോഴിക്കോട് ജില്ലാ വൈസ് പ്രസിഡണ്ട് അശ്റഫ് ബാഖവി, സയ്യിദ് ശാഹുല്‍ ഹമീദ് തങ്ങളില്‍ നിന്നും അപേക്ഷ വാങ്ങി ഉദ്ഘാടനം ചെയ്തു.

സച്ചരിതരുടെ പാതയിലൂടെ മുന്നേറുക: എം.അബ്ദുറഹ്മാന്‍ സലഫി

ദുബൈ: വിശുദ്ധ ഖുര്‍ആനും നബിചര്യയും സച്ചരിതരായ മുഗാമികള്‍ മനസ്സിലാക്കുകയും, പ്രബോധനം നടത്തുകയും ചെയ്ത മാതൃകയില്‍, യു.എ.ഇ. ഗവണ്‍മെന്റിന്റെ  നിയമ പരിധിയില്‍ ഒതുങ്ങിനിന്ന് കരുത്തുറ്റ പ്രവര്‍ത്തന മേഖല കെട്ടിപ്പടുക്കുവാനും ഒത്തൊരുമിച്ച് നിന്ന് പ്രവര്‍ത്തിക്കാനും കേരള നദ്വത്തുല്‍ മുജാഹിദീന്‍ സംസ്ഥാന സെക്രട്ടറി അബ്ദുറഹ്മാന്‍ സലഫി ആഹ്വാനം ചെയ്തു.

ഇന്ത്യന്‍ ഡ്രൈവര്‍ക്ക് 5,40,000 റിയാല്‍ പിഴ

മുഹമ്മദ് സഗീർ പണ്ടാരത്തിൽ

ദോഹ: ഖത്തറില്‍ ഇന്ത്യന്‍ ഡ്രൈവര്‍ സ്വദേശിക്ക് 5,40,000 റിയാല്‍ നഷ്ടപരിഹാരം നല്‍കാനും ആറു മാസത്തെ തടവിനും കോടതി ശിക്ഷിച്ചു. ഒരു സ്വദേശിയുടെ മരണത്തിനും മറ്റൊരു സ്വദേശിക്കു ഗുരുതരമായി പരുക്കേല്‍ക്കാനും ഇടയായ വാഹനാപകടത്തിലാണ് വിധി.

എഫ്.സി.സി സിനിമാ കൂട്ടായ്മ രൂപീകരിച്ചു

മുഹമ്മദ് സഗീർ പണ്ടാരത്തിൽ

ദോഹ: എഫ്.സി.സി കലാ സാഹിത്യവേദിയുടെ ആഭിമുഖ്യത്തില്‍ സിനിമ ആസ്വാദകര്‍ക്കും പ്രവര്‍ത്തകര്‍ക്കും വേണ്ടി 'കാഴ്ച' കൂട്ടായ്മ രൂപീകരിച്ചു.

എജുഫോക്കസ് മെയ് 20ന് ആരംഭിക്കും

മുഹമ്മദ് സഗീർ പണ്ടാരത്തിൽ

ദോഹ: ഫോക്കസ് ഖത്തര്‍ സംഘടിപ്പിക്കുന്ന  എജുഫോക്കസ് മെയ് 20ന് ആരംഭിക്കും. മെയ്  28ന് അവസാനിക്കുന്ന പരിപാടികള്‍ കേരളത്തില്‍ നിന്നുള്ള വിദഗ്ധര്‍ പങ്കെടുക്കും.

സൗദിയിലെ പ്രവാസിമലയാളികളും ആഹ്ലാദത്തില്‍

റിയാദ്: അഞ്ചുവര്‍ഷത്തെ  ഇടതുദുര്‍ഭരണത്തിന് അറുതി വരുത്തി കേരളത്തില്‍ യു.ഡി.എഫ് മുന്നണി നിയമസഭാ തെരഞ്ഞെടുപ്പില്‍ കേവലഭൂരിപക്ഷം നേടിയപ്പോള്‍ സൗദിയിലെ പ്രവാസിമലയാളികളും ആഹ്ലാദത്തില്‍. കെ.എം.സി.സി, ഒ.ഐ.സി.സി പ്രവര്‍ത്തകരാണ് മധുരം വിതരണം ചെയ്തും ആഘോഷപരിപാടികള്‍ സംഘടിപ്പിച്ചും തെരഞ്ഞെടുപ്പ് വിജയം കൊണ്ടാടിയത്. ഇന്നലെ രാവിലെ സൗദി സമയം അഞ്ച് മണിയോടെ തന്നെ വോട്ടെണ്ണലിന്റെ ആരവങ്ങളിലേക്ക് പ്രവാസലോകവും ഉണര്‍ന്നിരുന്നു. ജിദ്ദയിലും റിയാദിലും ദമ്മാമിലും മക്കയിലും മദീനയിലും ഖമീസ്മുശൈത്തിലും സൗദിയുടെ മറ്റ് ഭാഗങ്ങളിലും കെ.എം.സി.സി, ഒ.ഐ.സി.സി പ്രവര്‍ത്തകര്‍ വിജയാഘോഷ പരിപാടികള്‍ സംഘടിപ്പിച്ചു. 

ഓട്ടോമാറ്റിക് കാര്‍ ലൈസന്‍സ് ഇനി സ്ത്രീകള്‍ക്ക് മാത്രം

മുഹമ്മദ് സഗീര്‍ പണ്ടാരത്തില്‍

ദോഹ: രാജ്യത്ത് ഓട്ടോമാറ്റിക് കാറുകള്‍ ഓടിക്കുന്നതിനുള്ള ലൈസന്‍സ് സ്ത്രീകള്‍ക്ക് മാത്രമേ ഇനി മുതല്‍ നല്‍കേണ്ടതുള്ളൂ എന്ന് ട്രാഫിക് വകുപ്പ് തീരുമാനിച്ചു. ഓട്ടോമാറ്റിക് കാറുകള്‍ക്ക് ഡ്രൈവിംഗ് ലൈസന്‍സ് എടുക്കുന്നവരുടെ എണ്ണം ക്രമാതീതമായി കൂടിയതിനെത്തുടര്‍ന്നാണ് നടപടിയെന്ന് അധികൃതര്‍ അറിയിച്ചു.

ജോലി അന്വേഷര്‍ക്ക് വാതില്‍ തുറന്ന് ഖത്തര്‍

മുഹമ്മദ് സഗീര്‍ പണ്ടാരത്തില്‍

ദോഹ: വരും മാസങ്ങളില്‍ ഖത്തറിലെ മിക്ക കമ്പനികളും വന്‍ തോതില്‍ ജോലിക്കാരെ റിക്രൂട്ട് ചെയ്യാന്‍ സാധ്യതയുള്ളതായി റിപ്പോര്‍ട്ട്. 65 ശതമാനത്തിലധികം കമ്പനികളും വരുന്ന മൂന്നുമാസത്തിനകം ജീവനക്കാരെ റിക്രൂട്ട് ചെയ്യുമെന്നാണ് പശ്ചിമേഷ്യയിലെ പ്രമുഖ തൊഴില്‍ പോര്‍ട്ടലായ ബെയ്റ്റ് ഡോട്ട് കോം നടത്തിയ സര്‍വെയിലെ കണ്ടെത്തല്‍ .

മല്‍സ്യബന്ധന ബോട്ട് മറിഞ്ഞ് ഒരാള്‍ മരിച്ചു, അഞ്ചങ്ങാടി സ്വദേശി രക്ഷപ്പെട്ടു

മുഹമ്മദ് സഗീര്‍ പണ്ടാരത്തില്‍

ദോഹ: മല്‍സ്യബന്ധനത്തിന് പോയ ബോട്ട് മറിഞ്ഞ് ഒരാള്‍ മരിച്ചു,രണ്ട് പേര്‍ രക്ഷപ്പെട്ടു.മരിച്ചയാള്‍ പാകിസ്ഥാന്‍ സ്വദേശിയാന്‌. രക്ഷപ്പെട്ട രണ്ട് പേരും മലയാളി യുവാക്കളാണ്‌. വക്‌റ കടപ്പുറത്തുനിന്ന് മൂന്ന് കിലോമീറ്റര്‍ അകലെയുണ്ടായ അപകടത്തില്‍ തൃശൂര്‍ തളിക്കുളം ബീച്ച് സ്‌നേഹതീരം പുതുവീട്ടില്‍ പി.എസ് മുനീര്‍ (33), ചാവക്കാട് അഞ്ചങ്ങാടി കടവില്‍ കെ.കെ നൗഷാദ് (33) എന്നിവരാണ് രക്ഷപ്പെട്ട മലയാളികള്‍ .പാകിസ്ഥാന്‍കാരനായ കമ്രാന്‍ സുഹൈല്‍ മുഹമ്മദ് സലിം (32) ആണ് മരിച്ചത്.

സെന്‍ട്രല്‍ മാര്‍ക്കറ്റിലെ നിയമം, കച്ചവടക്കാര്‍ വിഷമത്തില്‍

മുഹമ്മദ് സഗീര്‍ പണ്ടാരത്തില്‍

ദോഹ: സെന്‍ട്രല്‍ മാര്‍ക്കറ്റില്‍ പച്ചക്കറികള്‍ക്കും പഴങ്ങള്‍ക്കും ചില്ലറവില്പന ഒഴിവാക്കുന്ന പുതിയ നിയമം നൂറുകണക്കിന് പ്രവാസികലെ പ്രതികൂലമായി ബാധിച്ചു. പച്ചക്കറി വില്പനയുമായും ലേലവുമായും ബന്ധപ്പെട്ട് പ്രവര്‍ത്തിച്ചിരുന്ന നൂറുകണക്കിന് മലയാളികളടക്കമുള്ള പ്രവാസികള്‍ക്ക് വരുമാനത്തിനുള്ള മാര്‍ഗമാണ് ഇതോടെ ഇല്ലാതായത്.

ഫ്രന്‍സ് ഓഫ് തൃശൂര്‍ സ്‌കൂള്‍ യുവജനോത്സവം ഇന്നുമുതല്‍

 മുഹമ്മദ് സഗീര്‍ പണ്ടാരത്തില്‍

ദോഹ: ഫ്രന്‍സ് ഓഫ് തൃശ്ശൂര്‍ സംഘടിപ്പിക്കുന്ന 3ആമത്തെ ഇന്റര്‍ ഇന്ത്യന്‍ സ്‌കൂള്‍ യുവജനോത്സവത്തിന് ഇന്ന് (വെള്ളിയാഴ്ച) തുടക്കമാകും. മെയ് 20 വരെയുള്ള വ്യാഴം, വെള്ളി, ശനി, ഞായര്‍ ദിവസങ്ങളിലായി ബിര്‍ളാ പബ്ലിക് സ്‌കൂള്‍ , ദോഹ മോഡേണ്‍ ഇന്ത്യന്‍ സ്‌കൂള്‍ എന്നിവിടങ്ങളിലാണ് വേദി ഒരുക്കിയിട്ടുള്ളത്.

അന്താരാഷ്‌ട്രപണ്ഡിത സഭയില്‍ ഡോ. ബഹാഉദ്ദീന്‍ മുഹമ്മദ് നദ്‌വിയും

മുഹമ്മദ് സഗീര്‍ പണ്ടാരത്തില്‍

ദോഹ: മുസ്‌ലിം പണ്ഡിതന്മാരുടെ അന്താരാഷ്‌ട്രപൊതുവേദിയായ അല്‍ ഇത്തിഹാദുല്‍ ആലമി ലി ഉലമാഇല്‍ മുസ്‌ലിമീനില്‍ (ഇന്റര്‍നാഷണല്‍ ഫെഡറേഷന്‍ ഓഫ് മുസ്‌ലിം സ്‌കോളേഴ്‌സി) ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റി വൈസ്ചാന്‍സലറും സമസ്ത കേരള ജംഇയ്യത്തുല്‍ മുഅല്ലിമീന്‍ സംസ്ഥാന ജന. സെക്രട്ടറിയുമായ ഡോ. ബഹാഉദ്ദീന്‍ മുഹമ്മദ് നദ്‌വിക്ക് അംഗത്വം നല്‍കിയതായി സെക്രട്ടറി ജനറല്‍ ഡോ. അലി മുഹ്‌യുദ്ദീന്‍ അല്‍ ഖറദാഗി അറിയിച്ചു.

ഖത്തര്‍ അമീറിന്റെ പേരില്‍ സര്‍വകലാശാല

മുഹമ്മദ് സഗീര്‍ പണ്ടാരത്തില്‍

ദോഹ: ഖത്തര്‍ ഫൌണ്ടേഷന്‍ സ്ഥാപിച്ച പുതിയ സര്‍വകലാശാലയ്ക്ക് അമീര്‍ ഷെയ്ഖ് ഹമദ് ബിന്‍ ഖലീഫ അല്‍ത്താനിയുടെ പേരു നല്‍കി. ഇക്കാര്യം അറിയിച്ച ഫൌണ്ടേഷന്‍ അധ്യക്ഷ ഷെയ്ഖ് മൂസ ബിന്‍ത് നാസര്‍ വിദ്യാഭ്യാസ, മാനുഷിക വികസന മേഖലകളില്‍ അമീര്‍ നടത്തുന്ന പ്രയത്നങ്ങളെ പ്രകീര്‍ത്തിച്ച് സംസാരിച്ചു.

വിളക്കുമരം പ്രകാശനം ചെയ്തു

മുഹമ്മദ് സഗീര്‍ പണ്ടാരത്തില്‍

ദോഹ: ഇസ്ലാമിക് യൂത്ത് അസോസിയേഷന്‍ പുറത്തിറക്കിയ  വിളക്കുമരം എന്ന ഓഡിയോ സി.ഡി. പ്രശസ്ത നോവലിസ്റ്റായ ബെന്യാമിനില്‍ നിന്ന് തനിമ ഡയറക്ടര്‍ അസീസ് മഞ്ഞിയില്‍ ഏറ്റുവാങ്ങി കൊണ്ട് പ്രകാശനം ചെയ്തു.

ഹാമിദലി റാവു സൌദിയിലെ പുതിയ അംബാസഡര്‍

ആലി അമ്മുണ്ണി

റിയാദ്: സൌദിഅറേബ്യയിലെ പുതിയ ഇന്ത്യന്‍ അംബാസഡറായി ഹാമിദലി റാവു നിയമിതനാവും. ഇപ്പോള്‍ ജനീവയിലെ യു എന്‍ മിഷനില്‍ ഇന്ത്യന്‍ അംബാസഡറും നിരായുധീകരണ സമിതിയിലെ ഇന്ത്യയുടെ സ്ഥിരം പ്രതിനിധിയുമായ ഇദ്ദേഹം 1981 ബാച്ചുകാരനായ ഐ എഫ് എസുകാരനാണ്.

ഖത്തര്‍ -ബഹ്റൈന്‍ കോസ്‌വേ 2015 പൂര്‍ത്തിയാകും

മുഹമ്മദ് സഗീര്‍ പണ്ടാരത്തില്‍

ദോഹ: ലോകത്തെ ഏറ്റവും വലിയ പാലങ്ങളില്‍ ഒന്നെന്നു വിശേഷിപ്പിക്കാവുന്ന ഖത്തര്‍ -ബഹ്റൈന്‍ കോസ്‌വേ 2015 ആകുന്നതോടെ യാഥാര്‍ഥ്യമാകും. 500 കോടി ഡോളര്‍ മുതല്‍മുടക്കിയുള്ള പദ്ധതിയുടെ നിര്‍മാണപ്രവര്‍ത്തനങ്ങള്‍ ഈ വര്‍ഷം അവസാനം ആരംഭിക്കും.

ഖത്തര്‍ ലുലു ഫുഡ് ഫെസ്റ്റ് തുടങ്ങി

മുഹമ്മദ് സഗീര്‍ പണ്ടാരത്തില്‍

ദോഹ: ലുലു ഹൈപ്പര്‍ മാര്‍ക്കറ്റ് ഡി റിങ് റോഡ്, അല്‍ ഗറാഫ ബ്രാഞ്ചുകളില്‍ ഫുഡ് ഫെസ്റ്റിനു തുടക്കമായി. ഡി റിങ് റോഡ് ബ്രാഞ്ചില്‍ നടന്ന ചടങ്ങില്‍ ലുലു റീജനല്‍ ഡയറക്ടര്‍ മുഹമ്മദ് അല്‍താഫ്, അലി ബിന്‍ അലി ഗ്രൂപ്പ് സിഇഒ.നബീല്‍ മുറാദ്, ഖത്തര്‍ നാഷനല്‍ ഇംപോര്‍ട്ട് ആന്‍ഡ് എക്സ്പോര്‍ട്ട് സിഒഒ.അഹ്മദ് ഖാന്‍ എന്നിവര്‍ ഉദ്ഘാടനം ചെയ്തു.

ഫ്രണ്ട്‌സ് ഓഫ് തൃശ്ശൂര്‍ യുവജനോത്സവോത്ഘാടനം നടന്നു

മുഹമ്മദ് സഗീര്‍ പണ്ടാരത്തില്‍

ദോഹ: ഖത്തറിലെ തൃശൂർ നിവാസികളുടെ കലാ-സാംസ്‌കാരിക കൂട്ടായ്മയായ ഫ്രണ്ട്‌സ് ഓഫ് തൃശ്ശൂരിന്റെ ആഭിമുഖ്യത്തില്‍ സംഘടിപ്പിക്കുന്ന മൂന്നാമത് ഇന്റര്‍ ഇന്ത്യന്‍ സ്‌കൂള്‍ യുവജനോത്സവത്തിന്റെ ഉദ്ഘാടനം ഇന്ന് വൈകീട്ട് നടന്ന ഇന്റര്‍ സ്‌കൂള്‍ ചിത്രരചനാമത്സരത്തിന്റെ സമ്മാനദാനച്ചടങ്ങിൽ വെച്ച് നിർവഹിച്ചു.

എസ്.എസ്.എല്‍ .സി പരീക്ഷ : എം.ഇ.എസിനു നൂറ് ശതമാനം വിജയം

മുഹമ്മദ് സഗീര്‍ പണ്ടാരത്തില്‍

ദോഹ: കഴിഞ്ഞ മാസം നടന്ന എസ്.എസ്.എല്‍ .സി പരീക്ഷയില്‍ എം.ഇ.എസ് ഇന്ത്യന്‍ സ്‌കൂളില്‍ നിന്ന്  പരീക്ഷയെഴുതിയ ൨൮ വിദ്യാര്‍ഥികള്‍ക്കും വിജയം. കേരള ബോര്‍ഡ് സ്ട്രീമില്‍ എസ്.എസ്.എല്‍ .സി പരീക്ഷ നടത്തുന്ന ഖത്തറിലെ ഏക വിദ്യാലയമാണ് എം.ഇ.എസ്.കേരളബോര്‍ഡ് സ്ട്രീമിലെ 16  ആമത്തെ ബാച്ചാണ്  എസ്.എസ്.എല്‍ .സി പരീക്ഷ എഴുതിയത്.